Типови на кожа
Постојат четири основни типови на кожа, а секој од нив има свои карактеристики и потреби.
Еве ги видовите на кожа:
- Нормална кожа
• Балансирана кожа со добар однос помеѓу маснотии и хидратација. • Пори се ситни и едвај видливи. • Ретко се јавуваат акни или други проблеми. • Нема изразена сувост или маснотија.
- Масна кожа
• На прв поглед изгледа сјајно, особено во Т-зоната (чело, нос и брада) • Порите се проширени и често се забележуваат акни, црнки или митесери. • Потребна е редовна и нежна нега за контрола на маснотијата.
- Сува кожа
• Недостаток на природни масла (себум), што ја прави кожата затегната и сува. • Често има лушпести делови, фини линии и чувство на затегнатост. • Потребна е длабока хидратација и нежна нега.
- Комбинирана кожа
• Комбинација од суви и мрсни делови. • Т-зоната (чело, нос, брада) е мрсна, додека останатите делови (образи) може да бидат нормални или суви. • Потребна е специфична нега за различни зони на лицето.
Состојби на кожа
Без разлика дали имате масна, сува, комбинирана или нормална; односно без разлика на типот на кожа, состојбата може да се менува.
Различни состојби на кожа се:
- Акни: Појава на митесери, акни и воспаленија; предизвикани од хормони или бактерии.
- Дехидрирана кожа: Недостаток на вода; затегнатост и фини линии.
- Хиперпигментација: Темни дамки поради сонце или хормони.
- Чувствителна кожа: Црвенило и иритација од надворешни фактори.
- Розацеа: Хронично црвенило и проширени капилари.
- Екзема: Сува, перутава и воспалена кожа.
- Псоријаза: Црвени дамки со лушпи, предизвикани од имунолошки нарушувања.
- Купероза: Видливи капилари на лицето.
- Прерано стареење: Брчки и губење на еластичноста.
- Инфекции: Бактериски, габични или вирусни промени.
***Сите состојби поединечно ќе ги објаснам преку посебни статии наменети за нив.